xitayda 6 qewetlik bina örülüp chüshüp, nurghun kishi öldi we yene nurghunidin xewer yoq
xitayning xunen ölkisi merkizi changshada 6 qewetlik bina örülüp chüshüp, aridin 132 saet ötkendin kéyin bina qalduqliri astidin bir kishi qutquzuwélindi.
türkiye awazi radiyosi xewiri: xitayning resmiy xewer agéntliqi shinxuaning xewer qilishiche, kéchide qutquzuwélinghan bu ayal xarabiliktin saq qutulghan 10-kishi iken.
bina 29- aprilda örülüp chüshken bolup. 132 saettin kéyin bina xarabiliqi astidin chiqirilghan ayalning eqli - hoshining jayida ikenliki we qutquzush xadimliri bilen alaqe qilalighanliqi bildürüldi.
qutquzush etriti waqirash, xarabiliktiki métallargha urup awaz chiqirish we qutquzush itliri arqiliq xarabiliq astida qalghan 20 kishini qutquzushqa tirishmaqta. bina etrapida yashaydighan 39 kishidin téxiche héchqandaq xewer yoq.
bina xarabiliqi astidin hazirgha qeder 10 kishi qurquzuwilindi we 5 kishining jesiti chiqirildi.
binaning örülüp chüshüshige mesul dégen seweb bilen bina igisinimu öz ichige alghan jemiy 9 kishi qolgha élindi.
binaning layihilinishi we qurulushigha mesul 3 kishi hemde tötinchi we altinchi qewet ariliqidiki méhmanxanining bixeterlikige ait yalghan bayanatlarda bolghanliqi ilgiri sürülgen 5 kishi qolgha élinip sotqa yollandi.
xitay pirézidénti shi «binadiki kishilerni her qandaq ehwalda qutuldurush» we «jawapkarlarni tépip derhal jazalash» buyruqi chüshürgen idi.
