el nehyan pakistan bash ministiri shahbaz sherifning ziyaritini qobul qildi

türkiye awazi radiyosi xewiri: erep birleshme xelipiliki resmiy xewer agéntliqi «WAM» ning xewer qilishiche, text warisi shahzade bin zeyid pakistan bash ministiri shahbaz sherif bilen paytext ebuzebidiki elshati sariyida körüshken.

uchrishishta ikki döletke munasiwetlik rayon we xelqaraliq mesililerdin bashqa yene, ikki döletning ötmüshtiki munasiwetliri we bu munasiwetlerni tereqqiy qildurushning yolliri muzakire qilinghan.

ebuzebi shahzadisi el nehyan ereb birleshme xelipilikining rayonda tinchliq we muqimliq üchün tashlanghan herqandaq qedemni qollap kelgenlikini bildürdi.

shahbaz sherif uchrishishta ereb birleshme xelipilikining pakistanning her qaysi sahediki tereqqiyatigha qilidighan yardemlirining muzakire qilinghanliqini éytti.

pakistan bash ministiri shahbaz sherif 11-aprélda wezipige olturghandin kéyinki tunji chetel ziyaritini 28-aprélda seudi erebistandin bashlighan idi.

pakistan parlaméntida 10-aprélda ötküzülgen ishench béliti tashlash paaliyiti netijiside, 174 béletke érishelmigen imran xan hökümiti yiqilghan bolup, dölette üch qétim bash ministirliq wezipisini ötigen nawaz sherifning inisi shahbaz sherif 11-aprélda ötküzülgen saylamda 174 béletke ériship, mutleq köp sanliqning qollishi bilen bash ministirlikke saylanghan idi.