iraq kord rayonluq hökümiti: p k k ning xeterlik pilani bitchit qilindi
iraq kord rayonluq hökümiti xewpsizlik kéngishi bölgünchi térrorluq teshkilati p k k ning iraq kord rayonluq hökümitige qarshi xeterlik bir pilanining bitchit qilinghanliqini uqturdi.
türkiye awazi radiyosi xewiri: iraq kord rayonluq hökümiti xewpsizlik kéngishining ammiwi ortaqlishish tor béti Facebook sehipiside élan qilinghan sinliq bayanatida, bölgünchi térrorluq teshkilati p k k gha zerbe bérish herikiti dawamida, duxok shehiride bir tonna partilatquch dora, 10 dane tankigha qarshi bashqurulidighan bomba, 23 jeng tipidiki uchquchisiz hawa apparati motori, 1200 gaz maskisi we 375 AK-47 zeretligüch qatarliq nurghun herbiy we partilatquch matériyallarning qolgha chüshürülgenliki tekitlinip mundaq déyildi: «jinayet gumandari Y.A.K.S. R.H ni soraq qilish jeryanida, uning, qolgha chüshürülgen partilatquchlar we herbiy eslihelerni, iraq kord rayonluq hökümitige qarshi ishlitish we bölgünchi térrorluq teshkilati p k k gha tapshurup bérish üchün, r.h isimlik y p g ning atalmish bir herbiy ishlar rehbiridin alghanliqi otturigha chiqti.»
