rusiye engliye awam palatasining ezalirigha émbargo yürgüzdi
rusiye engliye awam palatasining 287 ezasigha émbargo yürgüzüshni qarar qilghanliqini élan qildi.
türkiye awazi radiyosi xewiri: rusiye tashqi ishlar ministirliqi engliye awam palatasining ezalirigha émbargo yürgüzülgenlikini élan qildi.
bayanatta, engliyening 11-martta (2022) rusiye parlaméntining 386 ezasini émbargo tizimlikige kirgüzgenlikini xatirilitildi we buninggha jawaben engliye awam palatasining 287 ezasigha émbargo yürgüzüshning qarar qilinghanliqi bildürüldi.
émbargo yürgüzülgen engliye awam palatasi ezalirining, rusiyege qarshi émbargo yürgüzüshte aktip rol oynighanliqini we rusiyege bolghan qarshiliqning éshishigha seweb bolghanliqi eskertilgen bayanatta, bu kishilerning rusiye tewelikige kirishining cheklengenliki qeyt qilindi.
bayanatta, émbargo yürgüzülgen engliye awam palatasi ezalirining isimlirimu tizimliktin orun aldi.
