bulghariye bash ministiri ukrainagha qoral yardem qilish üchün bir ayliq maishini iane qildi

türkiye awazi radiyosi xewiri: pétkow ijtimaiy taratqu hésabida hembehirligen uchurida, «ukrainagha qoral yardem qilish siyasiy we ijtimaiy qararlarning birlikige baghliq. bu mesilide jemiyette üch xil qarash mewjut. amdilikte bu énérgiyeni heqiqiy paaliyetke aylandurushimiz kérek» dédi.  

pétkow ukrainagha qoral ewetken nurghun yawropa döletlirining ismini bir birlep tilgha élip, bulghariyediki bezi endishilerning eksiche, rusiyening mezkur döletlerge urush achalmighanliqini tekitlidi.

kiril pétkow yene mundaq dédi: «ukrainagha heqiqeten yardem qilishni xalaydighan her bir bulghariye puqrasini manga oxshash bir maish iane qilishqa chaqirimen. gep qilish asan, ish qilish tes. ijtimaiy taratqulardiki jesur yazmilar emdilikte ukraina üchün heqiqiy yardemge aylinishi kérek».

pétkow yene iane qilghanliqigha dair banka taloninimu hembehirlidi.

bu ariliqta bulghariye hökümitini teshkil qilghan 4 siyasiy partiyening rehberliri parlaméntning qararigha riaye qilghan asasta ukrainagha qoral yardimi ewetish mesiliside ortaq tonush hasil qilish üchün yighin chaqiridighan boldi.

pétkow ete birleshme hökümettiki ortaqlirining wekilliri bilen ukrainaning paytexti kiyéwgha ziyaretke bérishtin ilgiri birleshme hökümettikilerning birdekliki üchün intayin muhim bolghan bu mesilide ortaq tonush hasil qilishni xalaydighanliqini élan qildi.

rusiye qisimliri 24-féwralda ukrainagha hujum bashlighan idi.