nigériyede qanunsiz néfit zawutida yüz bergen partlashta az dégende 100 kishi qaza qildi
nigériyening riwérs ölkiside bir qanunsiz néfit ayrish zawutida yüz bergen partlashta, kem dégende 100 kishi hayatidin ayrildi.
1817043
türkiye awazi radiyosi xewiri: riwérs ölkisi néfit ishliri komissari godluk opiya élan qilghan bayanatida, jüme küni kechte riwérs ölkisidiki qanunsiz néfit ayrish zawutida partlash yüz bergenlikini bildürdi.
opiya partilashtin kéyin yüz bergen ot apitide az dégende 100 kishining köyüp qaza qilghanliqini éytti.
afriqa qitesi boyiche néfit we tebiiy gaz bayliqi eng mol bolghan nigériyede, hökümetning tirishchanliqlirigha qarimastin, nurghun qanunsiz néfit ayrish zawutliri saqlinip kelmekte.
hökümet néfit oghrilash we buzghunchiliq sewebidin dölette künige 200 ming waril xam néfit yoquluwatqanliqini élan qilghan idi.
riwérs ölkiside 2021-yili öktebirdimu bir qanunsiz néfit ayrish zawutida partlash yüz bérip, 25 kishi qaza qilghan idi.
