kim jongun jenubiy koréye pirézidéntining mektubigha jawab qayturdi

türkiye awazi radiyosi xewiri: shimaliy koréye merkiziy xewer agéntliqining xewiride, kim jongun mektubida, wezipe ötesh mudditi boyiche terepler otturisida tinchliqning ornitilishi üchün körsetken tirishchanliqliri sewebidin mun jyainni teqdirligenliki qeyt qilindi.

xewerde, mun jyainning shimaliy koréye rehbiri kim jongungha ewetken mektubida, kéler ay (2022-yili may) wezipisidin ayrilghandin kéyinmu «koréyening birlishishi» üchün dawamliq tirishidighanliqini eskertkenliki bildürüldi.

 xewerde, kim jongun bilen mun jyainning shimaliy we jenubiy koréye «ümid bilen harmas tirishchanliqlarni körsetken ehwalda, koréyeler ara munasiwetlerning ikki dölet xelqi arzu qilghan sewiyede tereqqiy qilidighanliqi» toghrisidiki qarashlirigha orun ajritildi.

jenubiy koréye pirézidénti mun jyainning ishxanisi élan qilghan bayanatta mektup toghrilandi we ikki dölet otturisidiki yadro söhbetlirining dawamlishishining ümid qilinidighanliqi qeyt qilindi.

bayanatta, terepler otturisida 2018-yili ötküzülgen tinchliq söhbetlirining kelgüsidiki hemkarliqlarning asasi süpitide dawamliq küchke ige bolidighanliqidin bésharet bérilidighanliqi bildürüldi.

yéqinqi mezgillerde ikki dölet munasiwetliride shimaliy koréyening «yéngi tipliq» qiteler ara bashqurulidighan bombilarni öz ichige alghan her xil bashqurulidighan bomba sinaqliri sewebidin jiddiychilik kücheygen idi.

jenubiy koréye dölet mudapie minstiri suh wuk 1-aprél shimaliy koréyening jenubiy koréyege bashqurulidighan bomba étish niyitining barliqi bayqalghan ehwalda, buninggha jawaben hujum bashlash qabiliyitige ige ikenliklirini we teyyarliqlirining barliqini tekitligen idi.

b d t bash katipi antoniyo gutérrs qiteler ara bashqurulidighan bomba siniqining, xewpsizlik kéngishining qararlirigha ochuqtin ochuq xilap ikenlikini bildürgen idi.

bélgiye paytexti biryussélda ötküzülgen G7 dölet guruhi yighini ramkisida özara körüshken amérika pirézidénti baydin bilen yaponiye bash weziri fumiyo kishida shimaliy koréyening qiteler ara bashqurulidighan bomba siniqini eyibligen idi.