yawropa ittipaqi ukrainadiki puqralar nishan qiliniwatqan hujumlarni eyiblidi

türkiye awazi radiyosi xewiri: yawropa ittipaqi tashqi munasiwetler we bixeterlik ishliri siyasiti aliy wekili josép borél, rusiyening ukrainadiki 24 – féwraldin buyan dawamlishiwatqan hujumliri heqqide élan qilghan bayanatida, mundaq dédi: «ukraina, axirqi heptilerde rusiyening eng qoyuq bashqurulidighan bomba hujumlirigha duch kelmekte. yawropa ittipaqi, rusiye qoralliq küchlirining puqralar, puqrawi ul eslihelerni qanunsiz shekilde bombardiman qilishini qattiq eyiblimekte. eng éghir shekildiki hujumlar bolupmu ukrainaning sherqiy we jenubiy rayonlirida dawamlishiwatidu. luhans we xarkiw qatarliq rayonlarda puqralar hujumgha uchrawatidu, puqrawi ul esliheler weyran qiliniwatidu. shuni alahide tekitlep ötimenki, ukrainada sadir qiliniwatqan <urush jinayetliri> jazasiz qalmasliqi kérek. yawropa ittipaqi ukraina xelqini dawamliq qollaydu, buningdin kéyinmu shundaq qilidu.»