notre dam chong chérkawidiki sirliq lehit échilidighan boldi
firansiyening paytexti parizhdiki notre dam chong chérkawida tépilghan we 14-esirge tewe ikenliki texmin qilinghan lehitning échilidighanliqi élan qilindi.
türkiye awazi radiyosi xewiri: firansiye arxéologliri 2019-yilidiki ot apitide ziyangha uchrighan notre dam chong chérkawining rémunt xizmetliri jeryanida tépilghan we qoghushunda yasalghan lehitning «sirini ashkarilash» üchün échilidighanliqini bildürdi.
hazir bixeter jayda saqliniwatqan bu lehit pat yéqinda tulus shehiridiki qanun doxturluq tibbiy institutigha ewetilidu.
alimlar ilgiri lehitning ichini éndoskopi alahidilikige ige kaméra bilen tekshürgen bolup, emdilikte lehittiki kishining jinsini, uning eyni chaghdiki salametlik ehwalini we ijtimaiy ornini éniqlashqa tirishidighan boldi.
tetqiqatlarda yene, karbon tarix békitish téxnikisimu ishlitilidu.
lehitning orni we shekli mezkur kishining belkim eyni chaghdiki dangliq shexslerdin birsi bolushi mumkinlikini körsitidighanliqi ilgiri sürülmekte.
