daniyelik siyasetchining yéngi ighwagerchiliki
daniyelik esebiy ongchil tar yönilishlik partiyesining rehbiri rasmus paludan, shiwétsiyening paytexti stokholimda saqchilarning qoghdishi astida quran kerimni köydürüshtek ighwagerchilikini ammiwi ortaqlishish tor bétidiki sehipiside hembehirlidi.
türkiye awazi radiyosi xewiri: türkler we musulmanlar zich olturaqlashqan rinkébi mehelliside, jüme namizidin kéyin quran kerimni köydürüshke ijazet alghan paludan, bu qilmishini yüzlerche saqchining qoghdishi astida sadir qildi.
kéyin yene, mezkur rayonda quran kerimni köydürüp ighwagerchilik qilghan rasmus paludangha, etrapta yighilghan guruppa naraziliq bildürdi, hemde saqchilardin paludanni neq meydandin yiraqlashturushini telep qildi, saqchilar bolsa guruppining telipini ret qildi.
arqidinla, guruppa bilen saqchilar otturisida toqunush yüz berdi. saqchilargha tashlar bilen hujum qilghan guruppidin 8 kishi qolgha élindi.
paludan, aldinqi küni shiwétsiyening jonkoping shehiride quran kerimni köydürgenidi. kéyin, linkoping we norkoping sheherliride quran kerimni köydürmekchi bolghan paludangha, 200 kishilik guruppa naraziliq bildürgenidi. guruppidin saqchilar bilen toqunushqan 3 kishi qolgha élinghan, 3 saqchi yarilanghanidi.
weqede nurghun saqchi aptomobilliri weyran bolghan, 2 aptomobilgha ot qoyup bérilgenidi.