amérika rusiyening ximiyelik qoral ishletkenlikige dair eyibleshlerge éhtiyatchan pozitsiye bildürdi

türkiye awazi radiyosi xewiri: aqsaray bayanatchisi jin psaki pirézidént jo baydinning iowa ziyaritige hemrah bolghan muxbirlarning soallirigha jawab berdi.

psaki, ukrainadiki rusiye eskerlirining döletning sherqige toplinishqa bashlighanliqini mueyyenleshtürüp: «biz rusiyeni herbiy we iqtisadiy ziyan keltürüp chiqirish üchün ukrainaning bashqa jayliridiki hawa we bashqurulidighan bomba hujumlirini dawamlashturidu, dep qaraymiz. chünki rusiyening meqsiti ukrainani imkaniyetning yétishiche ajizlashturush. urushning bu qisimi nahayiti uzun dawam qilishi mumkin» dégenlerni qeyt qildi.

bayanatchi psaki yene rusiyening ukrainaning mariypol shehiride ximiyelik qoral ishletkenliki toghrisidiki eyibleshler toghrisida toxtilip: «biz hazirqi basquchta buni jezmleshtürelmeymiz. (urush) meydanda buni jezmleshtüridighan adem yoq» dédi.

amérika dölet mudapie ministirliqi bayanatchisi jon kirbiymu mezkur eyibleshler heqqide toxtilip, rusiyening ximiyelik birer hujumni niqablash üchün namayishni basturushta ishlitilidighan yash aqquzush bombisigha ximiyelik maddilarni arilashturghan bolushining mumkinlikige isharet qildi we sözini dawamlashturup: «nöwette biz bu yonilishte éniq yekün ige emesmiz» dédi.

rusiye armiyesi 24 - féwral ukrainagha bésip kirip, ishghal herikitini bashlighanidi.