ukrainada xeterlik rayonlardin puqralar tarqaqlashturulmaqta
ukraina muawin bash ministiri irina wéréshchuk urush rayonliridin tünügün (10-aprél) bir künde 2 ming 824 kishining tarqaqlashturulghanliqini bildürdi.
türkiye awazi radiyosi xewiri: ukraina muawin bash ministiri irina wéréshchuk ijtimaiy taratquda hembehirligen widéoda, urush rayonliridin puqralarni tarqaqlashturush xizmetliri toghrisida bayanat élan qildi.
u mundaq dédi:
«bügün (10-aprél) xeterlik rayonlardin 2 ming 824 kishi tarqaqlashturuldi. bir künde jemiy 2 ming 622 kishi özlirining aptomobilliri we ewetilgen aptobuslar bilen mariyupol, bérdyansk sheherliridin zaporizhyé shehirige yétip bardi. bularning 213 nepiri mariyupol shehiridin, qalghanliri polox, wasiliwka, mélitopol we bérdyansk sheherliridin tarqaqlashturuldi. luxansk rayonida oq chiqirilghan bolsimu, 202 kishi lisichansk, séwérodonétsk, rubizhné, popasna we kréminna sheherliridin tarqaqlashturuldi.»
u tarqaqlashturush üchün ewetilgen bezi aptobuslarning rusiye eskerlirining tosqunluqigha uchrighanliqini eskertti we tarqaqlashturush xizmetlirini dawamlashturidighanliqlirini tekitlidi.
