pakistanda imran xanning dewri axirlashti
pakistan parlaméntida ötküzülgen bélet tashlashta, öktichilerning namzati shahbaz sherif bash ministirliq wezipisige saylandi.
türkiye awazi radiyosi xewiri: yerlik taratqulardiki xewerde bildürülishiche, ishenchsizlik awazi bilen wezipisidin qaldurulghan ilgiriki bash ministir imran xandin boshitilghan orun üchün parlaméntta saylam ötküzülgen.
bélet tashlashta, pakistan musulman birleshmisi-nawaz (PML-N) rehbiri shahbaz sherif 174 awazgha érishti.
parlaménttiki bélet tashlashni bayqut qilip, wezipiliridin istépa bergen pakistan adalet herikiti partiyesining ezasi ilgiriki tashqi ishlar ministiri shah mehmut qureyshi awazgha érishelmidi.
parlaméntta saylam awazining yuqiri chéki bolghan 172 béletke érishken pakistan musulman birleshmisining rehbiri shahbaz sherif 23-nöwetlik bash ministirliqigha saylandi.
bash ministirliqqa namzat bolghan imran xanning pakistan adalet herikiti partiyesige eza tashqi ishlar ministiri shah mehmut qureyshi «bügün xelqning aldida qulluq we özige bolghan hörmettin ibaret ikki yol barliqi» ni tekitlep, awaz tashlashni bayqut qilip kolléktip halda wezipiliridin istépa béridighanliqlirini jakarlighan idi.
shah mehmut qureyshining bayanatidin kéyin, pakistan adalet herikiti partiyesining parlaménttiki 120 din köp ezasi parlaménttin chiqip ketken idi.
parlaménttin chiqip ketken ezalar «import qilinghan hökümet» ke qarshi keng kölemlik namayish ötküzidighanliqlirini bildürgen idi.
bu jeryanda, pakistanda sabiq bash ministir imran xanning qollighuchiliri oxshimighan sheherlerde uning wezipisidin qaldurulghanliqigha naraziliq bildürüp, namayish ötküzdi.
sabiq bash ministir imran xan we pakistan adalet herikiti partiyesining rehbiri imran xan twittérda élan qilghan bayanatida, «yerlik hemkarlashquchilar bilen amérikaning qollishi astidiki tüzüm özgirishi» ge qarshi namayish qilghan pakistanliqlargha teshekkür éytti.
u pakistanning 1947-yili musteqil bolghanliqini, emma chet el tüzüm özgirish süyiqestige qarshi erkinlik kürishining bügün qaytidin bashlanghanliqini qeyt qildi.
imran xan hökümiti 9-aprél (2022) parlaméntta tashlanghan 174 ishenchsizlik awazi netijiside, wezipisidin qaldurulghan idi.
