yawropa parlaménti ukrainaliq musapirlargha yardem bérish qararini testiqlidi

türkiye awazi radiyosi xewiri: firansiyening strasburg shehiride chaqirilghan yawropa parlaménti omumiy kéngishi yighinida, 24-féwral rusiye qozghighan urush sewebidin öz dölitidin ayrilghan ukrainaliq musapirlarni kütüwalghan yawropa ittipaqigha eza döletlerge 3 milyard 400 milyon yawro yardem bérish mezmun qilinghan qarar, 1 ge qarshi 549 awaz bélet bilen qobul qilindi, 8 parlamént ezasi awaz bérish hoquqidin waz kechti.

qararda,  3 milyard 400 milyon yawroning yawropa ittipaqi fondidin ajritilidighanliqi bildürüldi.

mebleghning 45 pirsentining, ukrainagha qoshna yawropa ittipaqigha eza döletler wéngiriye, polsha, ruminiye we silowakiyege, hemde nopuslirining % 1 tidin köprek musapir qobul qilidighan awstraliye, bulghariye, chéxiye we éstoniyege, kéchiktürmestin we héchqandaq talon tapshurmastin ewetilidighanliqi qeyt qilindi.