morawiyké makronning putin bilen körüshüshini qattiq ibarilerni ishlitip tenqid qildi
polsha bash ministiri matéus morawiyékki, ukrainaning bucha shehiridiki puqralar ölümidin kéyin, firansiye pirézidénti émmanuél makronning rusiye pirézidénti wiladimir putin bilen körüshüshini qattiq tenqid qildi.
türkiye awazi radiyosi xewiri: morawiyki paytext warshawada ötküzülgen muxbirlarni kütüwélish yighinida, gherbning rus menbelirige qaritilghan jaza we émbargolarni kücheytishni telep qilish bilen bir waqitta, firansiye pirézidénti makrongha xitab: «makron ependi, putin bilen qanche qétim körüshtingiz, birer nerse qolgha keltürdingizmu? jinayetchiler bilen söhbetleshküdek ish yoq» dédi.
u, nöwettiki jazalarning yéterlik emeslikini tekitlep, gérmaniye bash ministiri olaf sholzni bir qedem arqigha chékinishke qistighan amilning gérman milyardérlirining awazi bolushi mumkinlikini ilgiri sürdi we sözini dawamlashturup: «siler heqiqiy anglashqa éhtiyajliq bolghan nerse öltürülüwatqan ayallar bilen balilarning awazidur» dédi.
engliye taratqulirining xewerliridimu muwawiykéning: «jinayetchiler bilen sodilashmasliq kérek emes, ular bilen urushush lazim. héchkim gitlér bilen söhbetleshmidi. siler gitlér, stalin, pol pot bilen sodilishamsiler?» dégen sözlirige orun bérildi.
