rusiye: buchadiki qirghinchiliqlarni ret qilimiz, u jaylarni ukraina armiyesi bombardiman qilghan

türkiye awazi radiyosi xewiri: rusiye krémil bayanatchisi péskow moskwada küntertip mesililiri toghrisida bayanat élan qildi.

u ukrainaning bucha shehiridin élinghan körünüshler üstide toxtilip, bu yerde puqralarning öltürülgenlikige munasiwetlik melumatlarni tekshürülüshi kéreklikini ilgiri sürdi.

u: «körünüshlerge ishenmeslikimiz lazim. dölet mudapie ministirliqimizning mutexessisliri körünüshlerning saxta ikenlikige dair alametlerni bayqidi» dédi.

u dölet rehberlirining buchadiki ehwal toghrisida yéterlik ispat bolmay turupsh bayanat élan qilish mesiliside aldiraqsanliq qilmasliqini we oxshimighan menbelerdin melumat telep qilishi kéreklikini tekitlidi.

u mundaq dédi: «her qandaq eyibleshlerni qetiy ret qilimiz. buningdin bashqa, mezkur mesile eng yuqiri sewiyede muzakire qilinishi kérek dep oylaymiz» dédi.

u mezkur mesilini b d t xewpsizlik kéngishide muzakire qilishni teklip qilghanliqlirini, emma bu teklipning tosqunluqqa uchrighanliqini qeyt qildi.

rusiye dölet mudapie ministirliqimu ukrainaning kiyéw rayonigha jaylashqan buchada rusiye armiyesining puqralarni qirghin qilghanliqi toghrisidiki gep-sözlerning toghra emeslikini ilgiri sürdi.

rusiye dölet mudapie ministirliqining bayanatida, kiyéw hkkümiti teripidin buchadin tarqatqan fotograflar we widéolarning ighwagerchilik ikenliki qeyt qilindi.

bayanatta, mezkur turalghu rayoni rusiye eskerlirining kontrolluqi astida turghan waqitta, bir puqraningmu héchqandaq zorawanliqqa uchrimighanliqi, belki bu rayongha insanperwerlik yardemlirining tarqitilghanliqi eskertildi.

bayanatta, rusiye eskerliri rayonni kontrol qilghan künlerde, kishilerning sheherde erkin heriket qilghanliqi we tarqaqlashturulghanliqi؛ mehellilerni öz ichige alghan sheherning jenubidiki rayonlarni ukraina armiyesining bombardiman qilghanliqi ilgiri sürüldi.

rusiye-heyetliri türkiyede yüz turane körüshken künning etisi, yeni 30-mart (2022) barliq rusiye qisimlirining buchadin chékingenliki tekitlengen bayanatta mundaq déyildi:

 «31-mart bucha sheher bashliqi anatoliy fédoruk tarqatqan widéosida, sheherde rusiye armiyesining yoqluqini toghrilidi. emma u, kochilarda qolliri baghlanghan halda étip öltürülgen yerliklerning barliqini éytmidi. bu sewebtin, buchadiki atalmish jinayet ispatlirining, ukraina istixbarat idarisi s b u (SBU) xadimliri we ukraina dölet téléwiziyesi wekilliri sheherge kirgen 4-künde otturigha chiqishi kishini heyran qaldurmaydu. eng az aridin töt kün ötkende kiyéw hökümiti élan qilghan kiishler jesetlirining sowumighan bolushi, qan daghlirining bolmasliqi we yarilirida uyushmighan qanlarning bolmasliqi kishini endishege salidu.

bularning hemmisi maripolda tughut doxturxanisida we bashqa sheherlerde bolghinigha oxshash, buchadin tarqitilghan fotograflar we widéolarning gherb taratquliri üchün kiyéw hökümitining yene bir oydurmisi ikenlikini ret qilghili bolmaydighan shekilde toghrilimaqta.»