yaponiye shimaliy koréyege qaritilghan émbargolarning dairisini kéngeytti

türkiye awazi radiyosi xewiri: yaponiye ichki kabinétining bash katipi matsono xirokazu, muxbirlarni kütüwélish yighinida, shimaliy koréyege qarshi yürgüzülüwatqan we hökümet teripidin testiqlanghan yéngi émbargolar tizimliki heqqide toxtilip mundaq dédi: «bu, tokyoning, shimaliy koréye bilen yaponiye otturisida saqliniwatqan mesililerni hel qilish yolida tashlawatqan qedemliridur. piyongyangni <konkrét qedem> tashlashqa chaqirimiz.»

yaponiye bash weziri kishida fumio, meslihetchiler mejlisi (sangin) yighinida, shimaliy koréyege yürgüzülidighan yéngi émbargolar heqqide toxtilip mundaq dédi: «barliq tirishchanliqlarni körsitip, dölitimizning tinchliqi we bixeterlikige kapaletlik qilimiz.»

yéngi émbargolar dairiside, shimaliy koréyening yadro we bashqurulidighan bomba tereqqiy qildurush pirogrammilirigha qatnashqan 6 shimaliy koréye puqrasi we 3 rusiye puqrasi bilen rusiyening 4 shirkitining mal – mülükliri tonglitip qoyuldi.

shimaliy koréye, 24-mart qiteler ara uchidighan ballistik bashqurulidighan bombini sinaq qilghanliqini jakarlighan we  buni «yéngi tiptiki ballistik bashqurulidighan bomba» dep atighanidi.

tokyo, bu bashqurulidighan bombining yaponiyening alahide iqtisadiy rayonigha chüshkenlikini jezmleshtürgenidi.

yene bir tereptin, tokyo – piyongyang otturisida, 1970 – 1980 – yilllarda shimaliy koréye küchlirining yaponiye puqralirini qolgha élish mesilisi dawamlashmaqta.

yaponiye, shu yillarda 17 puqrasining qolgha élinghanliqini, hazirghiche buning peqet 5 nepiriningla qaytip yaponiyege qaytalighanliqini bildürmekte.