awstiraliye ukrainagha herbiy aptomobil ewetidu
awstiraliye bash ministiri skot morrison (Scott Morrison) ukraina pirézidénti wladimir zélénskiyning rusiyege qarshi urushta ishlitish üchün telep qilghan herbiy aptomobillarni ewetidighanliqlirini élan qildi.
türkiye awazi radiyosi xewiri: awstiraliye bash ministiri skot morrison pirézidént zélénskiyning tünügün (31-mart) intérnét torida awstiraliye parlaméntigha sinliq xitabida telep qilghan we awstiraliyede yasalghan «bushmestér» (Bushmaster) namliq herbiy aptomobillarning ewetilidighanliqi toghrisida bayanat élan qildi.
u ukraina pirézidénti zélénskiyning telipini orunlaydighanliqlirini eskertip, herbiy qisimlarni yötkeshte ishlitilidighan awstiraliyede yasalghan «bushmestér» aptomobillirini, ukrainagha ayropilan bilen ewetidighanliqlirini bildürdi.
biraq, qanche dane we qachan ewetidighanliqliri, shundaqla qachan we qaysi yawropa dölitige yétip baridighanliqi toghrisida melumat bermidi.
u mundaq dédi:
«biz peqet dualirimiznila ewetmeymiz, belki qoral-yaraghlirimizni, insanperwerlik yardemlirimizni, herbiy aptomobil we bironiwiklirimizni, bularning hemmisini ewetimiz» dédi.
