rusiye qisimliri insanperwerlik yardemlirini qolgha chüshürüwaldi
ukraina muawin bash ministiri irina wéréshchuk bir kün ichide texminen 1 ming 500 puqraning zaporizhwa shehirige yétip barghanliqini bildürdi.
türkiye awazi radiyosi xewiri: ukraina muawin bash ministiri irina wéréshchuk bir kün ichide texminen 1 ming 500 puqraning zaporizhwa shehirige yétip barghanliqini bildürdi.
u ijtimaiy taratqularda hembehirligen widéoda, ukrainada urush boluwatqan jaylardin puqralarni tarqaqlashturush musapisi toghrisida bayanat élan qildi.
bir künde üch insanperwerlik yardem karidorining échilghanliqini eskertip: «bu karidorlardin zaporizhwa shehirige 1458 kishi özining aptomobilliri bilen yétip bardi. bularning 631 i mariyupol we 827 si zaporizhwa rayonidiki bérdyansk, mélitopol, énérxodar, poloxi, orixw, xulwaypol we wasiliwka sheherliridin keldi dédi.»
u tarqaqlashturush üchün ewetilgen aptobuslarning bérdyansk shehirige kirishige ruxset bérilmigenlikini alahide tekitlep, mélitopolgha tibbiy we yémek-ichmek yardemlirining yetküzülgenlikini, emma yardemlerni rusiye armiyesining qolgha chüshürüwalghanliqini qeyt qildi.
izyum rayonluq hökümetning bayanatida, sheherde 20 kündin buyan insanperwerlik karidorining échilmighanliqi bildürüldi.
bayanatta, texminen 20 ming kishining tarqaqlashturushni kütüwatqanliqi eskertildi.
