baydin: néfit bahaliri bir diktatorgha baghliq bolup qalmasliqi kérek

türkiye awazi radiyosi xewiri: pirézidént jo baydin aqsarayda ötküzülgen axbarat élan qilish yighinida, 24-féwralda (2022) partlighan ukraina-rusiye urushi üstide toxtaldi.

u: «gaz bahaliri ikki mesilige munasiwetlik. birinchisi, wuxen wirusi (Covid-19)؛ ikkinchisi, rusiye pirézidénti wladimir putindur» dédi.

u sözini mundaq dawamlashturdi:

«dölitimiz üchün, dunya üchün wladimir putingha derhal jawab qayturushmiz kérek. xususiy shirketlerning payda élishini mesile dep qarimaymen, emma héchqandaq amérika shirkiti, wabadin yaki wladimir putinning heriketliridin paydilanmasliqi kérek. bügün aldimizdiki alte ay boyiche künige 1 milyon waril néfitining erkin qoyup bérilishige ruxset qilimen. amérika énérgiye musteqilliqigha mohtaj. netijide, bu mesile bilen ikkinchi qétim bir terep qilishqa mejbur qalmaymiz» dédi.

aqsarayning élan qilghan bayanatida: «bu tengdashsiz we rékort derijilik örnek. yerlik ishlepchiqirishning éshishi yil axirighiche köwrüklük rol oynaydu. tarixiy miqdarda éhtiyajni qamdaydu» déyildi.

amérika énérgiye uchurlirini bashqurush idarisining melumatlirigha asaslanghanda, amérikada her küni otturiche hésab bilen 21 milyon waril néfit istémal qilinidu. buning texminen %40 ni bénzin igileydu.

amérika énérgiye idarisining qeyt qilishiche, 25-marttin (2022) bashlap hésablighanda amérikada 568 milyon warildin artuq néfit zapisi bar.