ukraina 17 ming 300 rusiye eskirining yoqitilghanliqini ilgiri sürdi
ukrainagha qarshi 24-féwral (2022) urush bashlighan rusiye armiyesining 17 ming 300 eskiri, 131 ayropilani, 131 tik uchari we 605 tankisi yoqitilghan.
1804323
türkiye awazi radiyosi xewiri: ukraina armiye qomandanliq ishtabi rusiye armiyesining 24-féwraldin 30-martqiche bolghan ariliqta tartqan ziyanlirigha munasiwetlik melumatlarni élan qildi.
ukraina armiye qomandanliq ishtabining melumatlirigha asaslanghanda, rusiye armiyesining 17 ming 300 eskiri öltürülgen bolup, buningdin bashqa, 131 ayropilan, 131 tik uchar, 605 tanka, 1723 bironiwik, 305 zembirek, 96 rakéta atar sistémisi, 54 hawa qoghdinish sistémisi, 1184 herbiy aptomobil, yette dane kichik tiptiki paraxot, 75 yéqilghu aptomobili we 81 dane uchquchisiz hawa apparati pachaqlap tashlanghan.
