ispaniye putingha bérilgen altun achquchini qayturuwaldi

türkiye awazi radiyosi xewiri: sheherlik hökümettiki bélet tashlashta, ongchil wokis partiyesidin bashqa barliq siyasi partiyeler putingha bérilgen altun achquchning qayturiwilinishini testiqlidi.

woks partiyesining bayanatchisi jawér ortéga simich sherep namayendisi süpitide bérilgen altun achquchning putinnning özige emes, rosiye xelqige bérilgenlikini ilgri sürüp, rusiye, ukraina we ispaniye xelqining her qandaq mustebit siyasiy urunushtin qoghdinilishi kéreklikige ishinidighanliqini, shunga teklipke qarshi bélet tashlighanliqini éytti.

ukraina urushi sewebidin rusiye pirézidénti putinni eyibleshtin chékingen ongchil wokis partiyesining bu pozitsiyesi, bashqa siyasiy partiyelerning, bolupmu solchillarning tenqidige uchridi.

yene bir tereptin, polsha rusiyege bolghan énérgiye béqindiliqini azaytish üchün  rusiyedin kömür import qilishni chekleshni qarar qildi.

polsha hökümiti bayanatchisi piot mullér ministirlar kéngishi yighinidin kéyinki bayanatida , rusiyedin kömür import qilidighan polshaning barliq xususiy organlirigha iqtisadiy jaza bérilidighanliqini uqturdi.

piot mullér polshaning 27 dölettin terkib tapqan yawropa ittipaqining bu siyasetni özleshtürishini ümid qilalmaydighanliqini bildürüp, rusiyedin import qilinghan kömürning yérimining öylerde issinish üchün ishlitilidighanliqini, qalghanlirining sanaette ishlitilidighanliqini éytti.

rusiye qisimliri 24-féwralda ukrainagha hujum bashlighandin kéyin, gherb döletliri rusiyege émbargo yürgüzüshni dawamlashturmaqta.