amérikaning tunji ayal tashqi ishlar ministiri alemdin ötti

türkiye awazi radiyosi xewiri: madélén albrayt xanimning ailisi bayanat élan qilip, tunji ayal tashqi ishlar ministirining rak késelliki tüpeylidin alemdin ötkenlikini bildürdi.

madélén albrayt xanim 1993-yili deslepte sabiq pirézidént bil klinton (Bill Clinton) teripidin amérikaning b d t diki daimiy wekili qilip teyinlengen. u 1997-yildin 2001-yilighiche tashqi ishlar ministiri bolghan.

madélén albrayt xanim 1937-yli chéxoslowakiyening piraga shehiride  dunyagha kelgen we diplomat bolghan dadisining natsist we kommunistik tüzümdin qéchishi bilen, 11 yéshida amérikagha köchken.

u wezipe ötigen chaghlirida natoning kéngiyishini we sabiq yugoslawiye weziyitige qoralliq arilishishni küchlük shekilde teshebbus qilghan idi.

u amérika téléwiziyesidiki «60 minut» namliq pirogrammida, riyasetchining iraqqa qarshi ijra qilinghan émbargo netijiside xroshimada jénidin ayrilghanlardin köp, yeni yérim milyon kichik balining jénidin ayrilghanliqini bildürüp, émbargoning buninggha erzip-erzimeydighanliqi toghrisidiki soaligha bergen «bu nahayiti qiyin qarar idi, emma bu bedelge erziydu dep oylaymen» dégen jawabi, dunyada qattiq naraziliqlargha seweb bolghan idi.

madélén albrayt xanim féwral éyida (2022) niyu york taymés gézitining ziyaritini qobul qilghanda, ukrainagha hujum teyyarliqini qiliwatqan herikitining «tarixiy xata» bolidighanliqini ilgiri sürgen idi.