rusiye paytext kiyéwni qorshawgha alalmidi

türkiye awazi radiyosi xewiri: ukraina armiye qomandanliq ishtabi rusiyening bir ay ilgiri ukrainagha qarshi qozghighan urush we urush sepliridiki weziyet toghrisida bayanat élan qildi.

bayanatta, rusiye armiyesining donétsk we luxansik rayonlirining memuriy chégralirigha kirelmigenliki, kiyéw shehirini qorshawgha alalmighanliqi we ukrainaning sol qirghiqini kontrol qilish wezipisini orunliyalmighanliqi qeyt qilindi.

bayanatta, rusiyening kiyéw, chérnigiw, sumi, xarkiw we mariyupolni qolgha chüshürüsh meqsitide qaytidin hujum bashlash urunushliridin waz kechmigenliki؛ eskerlerning aldinqi septiki ehwalini yaxshilash üchün ukraina chégralirigha qaytidin esker orunlashturushni dawamlashturuwatqanliqi eskertildi.