FBI: rus xakkérlirining amérika énérgiye shirketlirige hujum qilish xewpi kücheydi

türkiye awazi radiyosi xewiri: amérika fédératsiye tekshürüsh idarisi (FBI), rusiye-ukraina urushidin kéyin, rusiye xakkérlirining amérikadiki énérgiye shirketlirige hujum qilish xewpining küchiyip kétish éhtimali barliqi toghrisida agahlandurdi.

FBI ning sanliq melumatigha asaslanghanda, rusiye xakkérliri urush bashlanghandin buyan 5 i énérgiye shirkiti bolup  amérikada paaliyet élip bériwatqan 20 din artuq shirketning bixeterlik boshluqini tépish üchün tekshürüsh élip barghan.

rusiye ukrainagha urush élan qilghandin kéyin, amérika énérgiye shirketlirining rusiyening tor hujumigha uchrash xewpi kücheydi.

mushu heptining béshida aqsarayning dölet bixeterlik ishliri muawin meslihetchisi anni nébérgér bu heqte bayanat élan qilip, rusiyening amérikagha qarshi tor hujumi qozghaydighanliqi toghrisidiki dölet bixeterlik uchurlirining kücheygenlikini éytti.

amérika tor bixeterliki we ul eslihe bixeterlik idarisi, tünügün 13000 din artuq shirketni tor hujumlirigha qarshi bixeterlik iqtidarini kücheytishke chaqirdi.

rusiye armiyesi 24-féwral ukrainagha bésip kirip, ishghal herikiti bashlighanidi.