rusiye armiyesi alte généralini yoqitip qoydi

türkiye awazi radiyosi xewiri: ukraina armiye qomandanliq ishtabi rusiye armiyesining 24-féwraldin (2022) 21-martqiche tartqan ziyanliri toghrisida sanliq melumatlarni élan qildi.

qeyt qilinishiche, urushta, rusiye armiyesining texminen 15 ming eskiri, 97 ayropilan, 121 tik uchar, 498 tanka, 1535 bironiwik, 240 zembirek, 80 rakéta atar sistémisi, 45 hawa qalqan sistémisi, 969 herbiy aptomobili, üch yinik tipliq paraxot, 60 dane yéqilghu aptomobili we 24 dane uchquchisiz hawa apparati yoqitilghan.

ukraina pirézidéntliq mehkimisining meslihetchisi alékséy aréstowich rusiyening barliq sepler boyiche ilgirilishining toxtitilghanliqini bildürdi.

u ukraina-rusiye urushining 25-künide, urush toghrisida toxtilip: «rusiyening barliq seplerdiki ilgirilishi toxtitildi. rusiyening bu weziyetni ongshashqa küchi qalmidi» dédi.

u rusiyede herbiy xadimlargha bésim qilishning bashlanghanliqini bildürüp, rusiye fédératsiye bixeterlik idarisi teptishlirining tekshürüshi netijiside, urush meydanliridiki qomandanlarningmu qorqunchaqliq we xaraktér ajizliqi bilen eyiblinishke bashlanghanliqini ilgiri sürdi.

ukraina pirézidéntliq ishxanisining meslihetchisi mixail podolyak rusiye armiyesining ukrainada 24-féwraldin buyan dawamlishiwatqan urushlarda alte généralidin ayrilip qalghanliqini uqturdi.

mixail podolyak twittérda uchur hembehirlep: «rusiyening yuqiri derijilik ofitsérlirining ölüm nisbetliri diqqet qozghaydu» dédi.

rusiye dumasi kéngesh palatasining ezasi yékatérina altabayéwa twitétrda élan qilghan bayanatida, rusiyening qara déngiz muawin qomandani péshqedem polkownik andréy paliyning mariyupoldiki urushta ölgenlikini bildürdi.

andréy paliyning 1992-yili kiyéw herbiy déngiz siyaset aliy téxnikomini püttürgenlikini, 1993-yili ukraina armiyesige qatnishishni ret qilip, rusiyening shimaliy déngiz armiye qismigha kirgenlikini xatiriletken yékatérina altabayéwa, péshqedem polkownik paliyning 2008-yilimu giruziyediki urushta wezipe ötigenlikini qeyt qildi.