yawropa rayoni sehiye ministirliri yighini istanbulda chaqirilidu
yawropa rayoni sehiye ministirliri derijilik köchmenler we sehiye ishliri aliy derijilik rehberler yighini bügün we ete istanbulda chaqirilidu.
türkiye awazi radiyosi xewiri: türkiye sehiye ministirliqining bildürüshiche, dunya sehiye teshkilati bilen hemkarliq asasida chaqirilidighan yighingha, dunya sehiye teshkilatining yawropa rayoni ishliri diréktori doktor hans klugé, yawropa ittipaqi komitétining muawin reisi margaritis schinas we türkiye sehiye ministiri fahrettin kojadin sirt yene, köpligen döletlerning sehiye ministirliri we muawin sehiye ministirliri qatnishidiken.
buningdin bashqa yene, yighingha, bosniye-gértségowina, qirghizistan, san marino, litwaniye, sérbiye, bulghariye, tunis, moldowa, liwan, ruminiye, gérmaniye, italiye, ezerbeyjan we polsha qatarliq döletlerning sehiye ministirliri؛ liwiye muawin bash ministiri, latwiye dölet ishliri katipi, sérbiye we giruziye muawin sehiye ministirlirinimu öz ichige alghan 55 döletning wekilliri ishtirak qilidiken.
