engliye: rusiye xérsonda référandum ötküzüshni pilanlimaqta
engliye rusiyening xérsonda qirim, loxansk we donétséktikige oxshashla référandum ötküzüshni pilanlawatqanliqini ilgiri sürdi.
türkiye awazi radiyosi xewiri: engliye dölet mudapie ministirliqi teripidin bu heqte élan qilinghan bayanatta, mundaq déyildi: «rusiyening ishghaliyiti astidiki xérson, mélitopol we bérdyansk sheherliride birqanche kün ichide nahayiti köp namayishlar ötküzüldi. bu heqtiki doklatlarda eskertilishiche, rusiye rayonni donétsk, luxansk we qirimgha oxshash atalmish ayrim jumhuriyet süpitide qanunlashturush meqsitide xérsonda référandum ötküzüshni pilanlimaqta. rusiye küchliri tinch namayish ötküzgüchilerni tarqitish üchün, oq chiqirip agahlandurush bermekte.»
bayanatta, mélitopol shehiride ukrainaliq sheher bashliqining tutup kétilishidin kéyin, rusiyening özining sheher bashliqini wezipige teyinligenliki tekitlinip mundaq déyildi: «rusiyening 11-mart jüme küni mélitopolgha özining sheher bashliqini wezipige teyinligenliki, kéyinche, dniprprudné sheher bashliqiningmu rusiye küchliri teripidin tutqun qilinghanliqi bildürülmekte. qarighanda, rusiye ukrainani siyasiy jehettin kontrol qilish pilanini emelge ashurush yolida ukrainaning démokratiyesini aghdurushta téximu köp heriketlerni qilidighandek turidu.»
rusiye armiyesi, 24 – féwral küni ukrainagha urush qozghighanidi.
