seudi erebistanda 81 kishige ölüm jazasi ijra qilindi
seudi erebistanda térorluq, jasusluq, qatilliq we bashqa bir qisim jinayetler bilen sotlanghan 81 kishige ölüm jazasi ijra qilindi.
türkiye awazi radiyosi xewiri: seudi erebistan ichki ishlar ministirliqining bayanatigha asaslanghanda, mezkur 81 kishi «buzuq pikir we étiqadlarni qobul qilish, ibadetxanilar, hökümet binaliri we dölet iqtisadining jan tomuri bolghan jaylarni hujum nishani qilish, emeldarlar we bixeterlik xadimlirini nazaret qilip, hujum nishani qilish, tutqun qilish, qiynash, qoralliq bulangchiliq, qoral-yaragh etkeschiliki qatarliq jinayetlerni sadir qilish, yemendiki xusiylar, elqaide we daésh qatarliq térorluq teshkilatlirining pilanini iqra qilish hemde ular üchün istixbaratchiliq qilish qatarliq jinayetler bilen sot mehkimisige yollanghan.
sot axirlashqandin kéyin, sot mehkimisi yemen puqralirinimu öz ichige alghan, köpinchisi seudi erebistanliq 81 jawabkarni ölümge höküm qilghan.
bayanatta, ölüm jazasi ijra qilinghan jawabkarlarning isim-familisi, milliti we ötküzgen jinayetliri bir-birlep tepsiliy bildürülgen.
