awstraliye esker sanini %30 köpeytidighanliqini jakarlidi
awstraliye 2040-yilghiche herbiy xadim sanini %30 köpeytip 80 minggha yetküzidighanliqini jakarlidi.
türkiye awazi radiyosi xewiri: awstraliye bash ministiri sikot morrison bash ministirlik mehkimisining resmiy tor bétide yazma bayanat élan qilip, kelgüsi 18 yilda awstraliye dölet mudapie armiyesidiki daimliq xadimlar sanini 18 ming 500 kishi köpeytip 80 minggha yetküzidighanliqlirini bildürdi.
esker sanini köpeytishning armiyening awstraliyeliklerni bixeterlikini saqlishi üchün shert ikenlikini otturigha qoyghan morrison: «hökümitimning birinchi muhim ishi awistiraliyeliklerning bixeterlikini qoghdash, hemde buni qilish üchün, eng yéngi iqtidarlardin paydilinip awstraliyeni qoghdash üchün téximu köp esker, matros, uchquchi er-ayallardin terkib tapqan téximu zor bir armiyege mohtajmiz» dégenlerni qeyt qildi.
bu qarargha «awstraliye tarixining tinchliq dewridiki eng chong éshish» dep baha bergen morrison: «dunyamiz künséri éniqsizliqqa qarap kétiwatidu, shunga kelgüsi nechche on yilda xelqimizni we milliy menpeetimizni qoghdash üchün hazirdin bashlap qedem tashlishimiz kérek» dégenlerni sözlirige ilawe qildi.
