pakistanning pishawur shehiridiki bir shie jameside bomba partlidi
pakistanning pishawur shehiride shielerning bir jamesige qilinghan bomba hujumida jénidin ayrilghanlarning sani 45 ke chiqti, 65 kishi yarilandi.
türkiye awazi radiyosi xewiri: pishawur saqchi idarisining mudiri muhemmed ejazxan pishawurdiki kucha risaldar jameside jüme namizidin kéyin jamaet bir yerge toplanghanda bomba hujumining yüz bergenlikini élan qildi.
u weqelerning jame sirtidiki saqchilargha hujum qilish bilen bashlanghanliqini, bezi hujumchilarning jame ichige qéchip kirip bombilarni partlatqanliqini bildürdi.
u bomba hujumida 45 kishining jénidin ayrilghanliqini, saqchilargha qarshi qilinghan hujumlarda bolsa, bir hujumchi bilen bir saqchining jénidin ayrilghanliqini, bir saqchining yarilanghanliqini eskertti.
weqeni öz közi bilen körgen guwahchilar jamede texminen 150 kishining barliqini, ölüm sanining köpiyishidin endishe qiliwatqanliqlirini bildürdi.
bu qétimqi hujumgha héchqandaq teshkilat yaki shexs jawabkar bolidighanliqini élan qilmidi. emma, térrorluq teshkilati daésh bilen pakistan talibanining buninggha oxshash hujumlarni sadir qilip kéliwatqanliqi bilinidu.
