rusiye-ukraina heyetlirining ikkinchi qétimliq körüshüshi axirlashti
rusiye-ukraina heyetlirining puqralarni tarqaqlashturushta, ortaq insaniy karidor tesis qilish mesiliside pikir birliki hasil qilghanliqi bildürüldi.
türkiye awazi radiyosi xewiri: rusiyening ukrainagha hujum qilishining sekkizinchi künide, ikki dölet otturisidiki muzakirelerning ikkinchi qétimliqi bélarusiyening brést shehiride ötküzüldi.
rusiye heyitige putinning meslihetchisi wladimir médinskiy, ukraina heyitige ukraina pirézidéntliq ishxanisining muawin bashliqi mixail podolyak bashchiliq qildi.
mixail podolyak üchinchi qétimliq muzakirelerning pat arida ötküzülüshi toghrisida kélishim hasil qilghanliqini élan qildi.
u yene, ikki terepning puqralarni tarqaqlashturushta insaniy karidor tesis qilish mesiliside pikir birliki hasil qilghanliqini eskertti.
buninggha asaslanghanda, puqralarni tarqaqlashturush waqitliq urush toxtitishni öz ichige alidiken.
rusiye-ukraina heyetlirining 1-qétimliq körüshüshi 28-féwral ukraina chégrasidiki gomél rayonida ötküzülgen bolup, netije chiqmighan idi. emma, heyetler muzakirelerni dawamlashturushta pikir birlikige kelgen idi.
