kiyéw qarshiliq körsitishke teyyarlandi
rusiyening hujum qiliwatqinigha bir hepte bolghan ukrainada, paytext kiyéw qarshiliq körsitishke teyyarliq qilmaqta.
türkiye awazi radiyosi xewiri: kiyéw shehirining bir qanche yérige tosuqlar ornitilip, rusiye eskerliri we tankilirining kirishige qarshi tedbirler élindi. kochilarda akoplar yasaldi, bezi köwrükler partlitiwétildi.
rusiye qisimliri bir qanche kündin buyan paytext kiyéwgha qarap ilgirilimekte idi.
tünügün (2022-yili 2-mart) kechte kiyéwde qattiq partlash awazi anglandi.
ukraina ichki ishlar ministiri anton gérashchénko rusiyening kiyéwdiki issitish merkizige bashqurulidighan bomba atqanliqini élan qildi. minglarche kishi rayondin tarqaqlashturuldi, kiyéwning bezi jaylirida par toxtidi.
rusiye qisimlirining sheherge yéqinlashqanliqining bildürülüshi bilen, sheher puqraliri öyliridin ayrilip bixeter dep qarighan jaylarda, yeni üsti yépiq mashina toxtitish orunliri we métro béketliride panahliniwatqan idi.
rusiye sheherdiki téléwiziye munarighimu bashqurulidighan bomba atqan idi.
