b d t: ukraina chégralirining ichi - sirtida yüz minglarche kishi qéchip yürmekte
birleshken döletler teshkilati (b d t) rusiyening hujumi sewebidin nechche yüz ming kishining ukrainaning ichi - sirtida qéchip yürüwatqanliqini uqturdi.
türkiye awazi radiyosi xewiri: b d t ning siyasiy ishlargha mesul muawin bash katipi martén giriftis b d t ning nyuyorktiki bash ishtabida ötküzülgen muxbirlarni kütüwélish yighinida söz qilip: «men hazir silerge söz qiliwatqan mushu minutlarda, nechche yüz ming kishi ukraina chégrasining ichi – sirtida qéchishqa tirishiwatidu, dep oylaymen. biz ukrainaning herqaysi jayliridiki puqralar merkezlirining bombardiman qilinghanliqi toghrisidiki xewerlerni körimiz. emma talapetke uchrighanlar we ul esliheler toghrisida jezmleshtürülgen uchurlar yoq. men hazirqi sharaitning puqralargha körsitidighan tesiridin intayin endishe qilmaqtimen» dégenlerni qeyt qildi.
b d t ning insanperwer yardem bérish xadimlirini ukrainagha yötkesh basquchida ikenlikini bayan qilghan giriftis: «hazir xadimlirimizni ukrainadin yötkep chiqish pilanimiz yoq, biz bu dölettin ayrilmaymiz, ukrainaning herqaysi jayliridiki kishilerge yardem qilimiz» dédi.
u yene panahlinish orni izdewatqan ayallar, balilar we erler toghrisida kishini endishige salidighan doklatlarning barliqini, ukrainadiki toqunushning tesirige uchrighan barliq kishilerning her jehettin bixeter, tosalghusiz we sijil insanperwer yardemge érishishning zörürlükini otturigha qoydi.
rusiye 24 - féwral ukrainagha qarshi herbiy heriket qozghighanidi.
