nato bash katipi: rusiye ukrainada hökümetni özgertmekchi
shimaliy atlantik ehdi teshkilati — nato bash katipi yéns stolténbérg, rusiyening ukraina hökümitini almashturmaqchi ikenlikini ilgiri sürdi.
türkiye awazi radiyosi xewiri: nato rehberliri pewquladde yighinidin kéyin bayanat élan qilghan bash katip yéns stolténbérg: «biz rusiyeni ukrainagha qaritilghan hujumni derhal toxtitishqa, barliq eskerlirini bu dölettin chékindürüp, söhbet yoligha qaytishqa chaqirimiz» dédi.
stolténbérg bayanatida: «biz quruqluq we hawagha natoning mudaxile küchlirini orunlashturimiz. 30 din artuq jayda meshghulat élip bériwatqan 100 din artuq urush ayropilanimiz bar. her bir ittipaqdashni qoghdash üchün némige éhtiyajliq bolsa shuni qilimiz» dégenlerni qeyt qildi.
bash katip stolténbérg ukrainagha hawa mudapie sistémisini öz ichige alghan téximu köp qoral béridighanliqlirini bildürüp: «küchlük atlantik okyan halqighan bixeterlik bolmay turup, yawropa bixeter bolmaydu. dunya rusiye we bélarusiyening qilmishlirining jawabkarliqini sürüshte qilidu» dédi.
yéns stolténbérg: «ular kiyéwgha qarap heriket qilmaqta. élan qilinghan meqset ukraina hökümitini almashturush. ukraina pütünley ishghal astida, bu kütülmigen ehwal bolghachqa, néme ish yüz béridighanliqini otturigha qoyalmaymiz» dégenlerni sözlirige ilawe qildi.
