yawropa ittipaqi ukrainagha qarita ayropilan seperliri heqqide agahlandurdi

türkiye awazi radiyosi xewiri: gérmaniyening kölin shehirige jaylashqan yawropa awiyatsiye bixeterlik orgini (EASA), rusiyening ukrainagha herbiy mudaxilisidin kéyin agahlandurush bayanati élan qilip, bügündin bashlap ukrainaning hawa sahesi we ukrainaning rusiye we bélarusiye chégraliridin 100 mil (185 kilométir)  qismigha diqqet qilish we ayropilan seperlirini ishqa ashurmasliq toghruluq agahlandurdi.

yawropa awiyatsiye bixeterlik orginining ukrainaning weziyitini yéqindin közitiwatqanliqi eskertilgen bayanatta, bu agahlandurushning 24 – mayghiche küchke ige ikenliki qeyt qilindi.

rayonda qattiq toqunush yüz bériwatqanliqi, ukrainaning hawa sahesi we ayrodurumlirinimu öz ichige alghan halqiliq muesseselirining puqrawi uchushlar üchün uyghun emesliki, rayonda bixeterlik xirislirini otturigha chiqiwatqan herbiy paaliyetlerning dawamlishiwatqanliqi bildürülgen bayanatta, bolupmu puqrawi ayropilanlarning hem meqsetlik halda nishangha élinish hem xata tonulush éhtimalliqining barliqi, uning üstige, rayonda nurghun quruqluq we hawa urush sistémilirining mewjutluqi we ishlitilish éhtimalliqining puqrawi ayropilan seperliri jehettin yüksek sewiyede xeter élip kélidighanliqi bayan qilindi.