putin téléwiziye nutuqi sözlidi
rusiye pirézidénti wiladimir putin, özining, dölet menpeetige uyghun kélidighan, xelqning bixeterlikige kapaletlik qilidighan bolush sherti bilen diyalog we diplomatiyege her waqit ochuq ikenlikini éytti.
1783553
türkiye awazi radiyosi xewiri: rusiye pirézidénti wiladimir putin wetenni qoghdighuchilar bayrimi munasiwiti bilen téléwziye nutuqi sözlep, dölitining saqliniwatqan mesililerge diplomatik hel qilish charisi izdeshke teyyar ikenlikini tekitlidi we sözini dawamlashturup: «rusiyening menpeeti we bixeterliki söhbet témisi qilinmaydu. shunga biz quruqluq we déngiz armiyemizning paalliqini ashurimiz, ularni eng yéngi téxinika bilen qorallandurup dawamliq tereqqiy qildurimiz» dédi.
putin dölitining shimaliy atlantik ehdi teshkilati — natoning herbiy paaliyet dairisini kéngeytish we qoral kontrol qilish sistémisini boshitish qatarliq xeterlerge duch kelgenlikini tilgha élip: «biz xelqara weziyetning qanchilik qiyin tereqqiy qilghanliqini, qoral kontrol sistémisining boshitilishi yaki natoning herbiy paaliyetlirige oxshash nöwettiki qiyinchiliqlarning arqisigha qandaq xeterlerning yoshurunghanliqini körüwatimiz. yene bir tereptin, rusiyening barliq döletlerni ishenchlik shekilde qoghdaydighan, barawer we parchilanmas bir bixeterlik sistimisi qurup chiqish chaqiriqliri jawabsiz qaldi» dédi.
u yene, rusiye armiyesining urushqa teyyar bolushini alahide maxtidi we ularning döletning menpeetini qoghdaydighanliqigha ishinidighanliqini tekitlidi.
wiladimir putin aldinqi küni atalmish «donétsik xelq jumhuriyiti bilen lugansk xelq jumhuriyitining musteqilliqi»ni étirap qilish permanigha imza qoyghanidi.
