kanada rusiyege yéngi émbargolarni yürgüzidighanliqini élan qildi
kanada ukrainaning sherqidiki bölgünchilerning atalmish hökümetlirini étirap qilish we rayongha esker ewetish qararigha jawaben, rusiyege yéngi émbargolarni yürgüzidighanliqini élan qildi.
türkiye awazi radiyosi xewiri: kanada bash minstiri jastin trédu axbarat élan qilish yighinida, iqtisadiy émbargolarning birinchi basquchida, rusiye pirézidénti wladimir putin étirap qilghan bölgünchi rayonlar bilen barliq iqtisadiy kélishim tüzüshining cheklinidighanliqini bildürdi.
u yene, émbargolarning atalmish jumhuriyetlerni étirap qilish qararini qollighan rusiye parlamént ezalirighimu yürgüzülidighanliqini we kanadaliqlarning rusiye zayomliri sodisi qilishining cheklinidighanliqini eskertti.
u: «rusiyening ighwagerchilikliri dunyaning xewpsizliki we tinchliqigha tehdit hésablinidu. kanada rusiyening urushqaqliqigha qarshi natoni qollash üchün létoniye we etrapidiki rayonlargha qoshumche 460 esker ewetti» dédi.
rusiye pirézidénti wladimir putin 21-féwral (2022) atalmish «donétsk xelq jumhuriyiti we luxansk xelq jumhuriyetlirining musteqilliqini» étirap qilghan qararnameni imzalighan idi.
