baydin-putin körüshüshi üchün, ukraina ishghal qilinmasliqi shert
amérika pirézidénti jo baydin bilen rusiye pirézidénti wladimir putin yawropaning xewpsizliki we muqimliqigha munasiwetlik ötküzülidighan aliy rehberler yighinida özara körüshidu.
türkiye awazi radiyosi xewiri: firansiye élsi sariyi pirézidént makronning amérika pirézidénti baydin we putin bilen téléfonda körüshkenliki toghrisida bayanat élan qildi.
bayanatta, makronning munasiwetlik tereplerning qatnishishi astida, baydin bilen putin otturisida yawropaning xewpsizliki we muqimliqi toghrisida yighin ötküzüshni teklip qilghanliqi, ikki rehberning bu teklipni qobul qilghanliqi bildürüldi.
bayanatta, yighin küntertipining, amérika tashqi ishlar ministiri antoni blinkén bilen rusiye tashqi ishlar ministiri sérgéy lawrowning 24-féwraldiki uchrishishida teyyarlinidighanliqi eskertildi.
yuqiridiki yighinining ötküzülüshi üchün rusiyening ukrainani ishghal qilmasliqi kérekliki tekitlengen bayanatta yene, makronning barliq terepler bilen yighin küntertipini teyyarlashqa tirishidighanliqi qeyt qilindi.
