boris jonson wiladimir putinni agahlandurdi
engliye bash weziri boris jonson rusiye prézidénti wiladimir putinni ukrainagha tajawuz qilishtin agahlandurdi.
türkiye awazi radiyosi xewiri: engliye bash wezirlik ishxanisining 10-nomurluq bayanatigha asaslanghanda, jonson putin bilen téléfonda söhbetleshken.
jonson söhbette, rusiyening ukraina chégrasidiki «düshmenlerche paaliyetliri» din chongqur endishe hés qiliwatqanliqini bildürgen.
bash wezir boris jonson shimaliy atlantik ehdi teshkilatining ochuq ishik siyasitige binaen yawropadiki barliq démokratik döletlerning shimaliy atlantik ehdi teshkilatigha eza bolush hoquqi barliqini tekitlep: «bu hoquq ukrainagha nisbetenmu küchke ige» dégenni eskertken. jonson shimaliy atlantik ehdi teshkilatining bir mudapie ittipaqi ikenlikinimu qayta tekitligen.
rusiye pirézidéntliq sariyi krémilning söhbetke alaqidar bayanatida bolsa, «ukrainadiki krizis we rusiye fédératsiyesining bixeterliki üchün uzun muddetlik shundaqla qanungha uyghun kapalet bilen teminlesh mesiliside, nahayiti tepsiliy pikir almashturuldi» dégen sözler ishlitildi.
