zéléniski makron bilen téléfonlashti
ukraina pirézidénti wladimir zéléniski firansiye pirézidénti émmanuél makron bilen téléfonda körüshti.
türkiye awazi radiyosi xewiri: ukraina pirézidént mehkimisi teripidin élan qilinghan yazma bayanatta bildürülüshiche, zéléniski bilen makronning téléfon söhbitide, ukrainaning sherqiy qismining weziyiti heqqide muzakire élip bérilghan.
ikki rehber, bu mesilige qarita «normandiye formatsiyesi» dairiside xizmet ishlinishke bashlinishi we bu dairide 26 – yanwar küni firansiyening paytexti parizhda yighin chaqirilghanliqidin xursen ikenliklirini ipadiligen.
yéqin kelgüside ötküzülidighan yighinning waqtini ilgiri sürüsh mesilisi heqqide birdeklik hasil qilinghan téléfon söhbitide, zéléniski, «diplomatik tirishchanliqlar dawamlashqan teqdirde, kelgüsidiki sürkilish xewpining aziyidighanliqi» ni tekitligen.
téléfon söhbitide yene, ukraina – firansiye otturisida iqtisadiy sahede hasil qilinghan kélishimler we yéngi layihelerning ijra qilinishigha alaqidar mesililermu muzakire qilinghan.
