xitay tongadiki yanar tagh partlashta qaza qilghanlar sanining 6 ge yetkenlikini élan qildi
ténch okyandiki aral döliti tongada yüz bergen yanar tagh partlash weqeside qaza qilghanlarning sani 6 ge yetti.
1766965
türkiye awazi radiyosi xewiri: xitayning xelqara téléwiziye tori (CGTN) ning xewirige asaslanghanda, alaqidar mesullar tongada 15-yanwar yanar tagh partilap, arqidinla yüz bergen déngiz tashqinidin kéyin yene 3 kishining jesiti tépilghanliqini, shuning bilen qaza qilghanlar omumiy sanining 6 ge köpeygenlikini bildürgen.
tinch okyanda texminen 170 araldin terkib tapqan tonga dölitining paytexti nukualofaning shimaligha 65 kilomitir kélidighan yanar tagh 15-yanwarda kül, par we gaz pürküshke bashlighan idi.
tonga, yéngi zéllandiye, amérika, kanada, chili we yaponiyege qarita déngiz tashqini agahlandurushi élan qilinghan bolup, déngiz tashqini tongadiki barliq arallargha dégüdek tesir körsetken idi.
