putin finlandiye pirézidénti bilen téléfonlashti
rusiye pirézidénti wiladimir putin finlandiye pirézidénti sauli ninisto bilen téléfonda körüshti.
türkiye awazi radiyosi xewiri: kirémil sariyining bildürüshiche, rusiye pirézidénti wiladimir putin bilen finlandiye pirézidénti sauli ninistoning téléfon söhbitide, yawropaning bixeterliki toghrisida tepsiliy muzakire élip bérilghan, putin ninistogha, rusiyening bu mesilige tutuwatqan pozitsiyesi heqqide qisqiche chüshenche bergen, hemde amérika qoshma ishtatliri we shimaliy atlantik ehdi teshkilatidin moskwaning bixeterlik tekliplirige yazma jawab qayturushini kütüwatqanliqlirini qeyt qilghan.
ikki rehber, yawropa bixeterlik we hemkarliq teshkilatining asasliq höjjetlirige kirgüzülgen bixeterlik prinsipigha qetiy emel qilishning muhimliqini tekitligen.
ukrainaning sherqidiki kirizis toghriliqmu muzakire élip bérilghan téléfon söhbitide yene, minsik kélishimlirining «izchil we toluq» ijra qilinishi kérekliki mesiliside birdeklik hasil qilinghan.