blinkén-lawrow uchrishishi bashlandi
amérika tashqi ishlar ministiri antoni blinkén bilen rusiye tashqi ishlar ministiri sérgéy lawrowning ukraina kirizisini muzakire qilidighan yighin, shiwéytsariye paytexti jenwede bashlandi.
türkiye awazi radiyosi xewiri: amérika tashqi ishlar ministiri antoni blinkén bilen rusiye tashqi ishlar ministiri sérgéy lawrowning ukraina kirizisini muzakire qilidighan yighin, shiwéytsariye paytexti jenwede bashlandi.
yighindin kéyin, lawrowning enqere waqti 15:00, ürümchi waqti 18:00, blinkénning bolsa, enqere waqti 15:30, ürümchi waqti 18:30 da muxbirlarni kütüwélish yighini ötküzidighanliqi uqturuldi.
amérika bilen rusiye otturisidiki bixeterlik söhbetliri ramkisida, amérika muawin tashqi ishlar ministiri wéndiy r. shérman we rusiye muawin tashqi ishlar ministiri sérgéy ryabkow 10-yanwar (2022) jenwede körüshken idi.
amérika pirézidénti jo baydin bilen rusiye pirézidénti wladimir putin 16-iyun (2021) jenwede körüshken idi. ikki rehber ixtilapliq mesililerni hel qilish üchün diyalogni dawamlashturushni qarar qilghan idi.