amérika: rusiyening ukrainagha her waqit hujum qilish éhtimali bolghan bir basquchta turuwatimiz
amérika aqsaray bayanatchisi jén psaki, «rusiye ukrainagha her waqit hujum qilalaydighan bir basquchta turuwatimiz» dep agahlandurdi.
türkiye awazi radiyosi xewiri: jén psaki aqsarayda ötküzülgen muxbirlarni kütüwélish yighinida, ukraina – ukraina soghuqchiliqigha munasiwetlik eng yéngi özgirishler üstide toxtaldi.
banatchi psaki, amérika tashqi ishlar ministiri antoni blinkénning ukraina bilen gérmaniyede ziyarette bolup, ukraina bilen rusiye otturisidiki ziddiyetni peseytish üchün tirishchanliq körsitidighanliqini éytti.
psaki antoni blinkén bilen rusiye tashqi ishlar ministiri sérgéy lawrowning téléfonliship, jenwede uchrishishqa qoshulghanliqini, blinkénning rusiyeni jiddiychilikni azaytishqa chaqirghanliqini bildürdi.
ukraina – rusiye jiddiychilikining jawabkarining «chégragha onminglighan esker toplighan rusiye pirézidénti wiladimir putin» ikenlikini tilgha alghan psaki, sözini dawamlashturup: «shuni éytimenki, nöwettiki weziyet intayin xeterlik. rusiye her waqit ukrainagha hujum qilalaydighan basquchta turuwatimiz. blinkén jenwede bu mesilini hel qilishning diplomatik yoli barliqini ochuq otturigha qoyidu. ukrainani bésiwélish keltürüp chiqiridighan éghir iqtisadiy aqiwetlerning azabini tartish yaki tartmasliq putin we ruslargha baghliq» dégenlerni qeyt qildi.
rusiye ukrainagha tajawuz qilghan ehwal astida yolgha qoyulidighan barliq tallashlarning küntertipte ikenlikini tekitligen psaki, iqtisadiy jazalarni yürgüzüsh toghrisida yawropadiki shérikler bilen qoyuq alaqe qiliwatqanliqlirini sözlirige ilawe qildi.
