dunya boyiche yéshi eng chong er wapat boldi
dunya boyiche yéshi eng chong er ispaniyelik saturnino dé la fuérté 113 yashqa kirishke bir nechche kün qalghanda wapat boldi.
türkiye awazi radiyosi xewiri: ispaniye xewer agéntliqi «EFE» ning xewiride, tünügün öyide qaza qilghan saturnino dé la fuérténing eger yashighan bolsa, 12-féwralda 113 yashqa kiridighanliqi bildürüldi.
xewerde dé la fuérténing 10-séntebirde 112 yash we 211 künlük ömür körüsh bilen jinnés dunya rékortliri kitabigha «dunyadiki yéshi eng chong adem» süpitide kirgüzülgenliki eskertildi.
dé la fuérté ispaniyede 13 - padishah alfonso (1886-1941) dewride tughulghan, 1918-yildiki ispaniye zukimi, 1923-yildiki primo dé riwira diktaturluqi dewri, ikkinchi jumhuriyet (1931-1939) dewri, ichki urush (1936-1939) we diktatur firanko dewrliride (1975-1939) yashighan bolup, léon shehiride kowid -19 waksinasi emlengen tunji kishi bolghan idi.
8 balisi, 14 newrisi we newrilirining 22 balisi bolghan dé la fuérténing depne murasimining bügün ötküzülidighanliqi élan qilindi.
