yawropa ittipaqi ukrainadiki tor hujumini eyiblidi
yawropa ittipaqi ukrainadiki dölet orunliri nishan qilinghan tor hujumini eyiblidi.
türkiye awazi radiyosi xewiri: yawropa ittipaqi komitétining qoshnidarchiliq siyasiti we kéngiyish ishlirigha mesul ezasi oliwér warhélyi, ammiwi ortaqlishish tor bétidiki sehipiside, ukrainadiki dölet orunliri nishan qilinghan tor hujumini qattiq eyibleydighanliqlirini, muqimliqni buzidighan bundaq hujumni qobul qilishning esla mumkin emeslikini tekitlep mundaq dédi: «bu hujumlar derhal toxtishi kérek, yawropa ittipaqi komitéti, tor qurulmisini kücheytish toghrisida ukrainagha bériwatqan yardimini köpeytishke teyyardur.»
ukrainada tashqi ishlar ministirliqinimu öz ichige alghan bezi organlarning intérnét tor betliri tor hujumigha uchrighanidi.
ukraina tashqi ishlar ministirliqi bayanatchisi olég nikolénko, keng dairilik tor hujumliri sewebidin, tashqi ishlar ministirliqi we bezi dölet orunlirining intérnét tor betlirining mulazimet qilalmighanliqini bildürgenidi.