israiliye eskerliri 9 pelestinlikni yarilandurdi
ishghal astidiki iyordan deryasining gherbiy qirghiqida yehudiy köchmenlerning hujumlirigha qarshi ötküzülgen naraziliq namayishigha mudaxile qilghan israiliye eskerliri 9 pelestinlikni yarilandurdi.
1762631
türkiye awazi radiyosi xewiri: pelestinlikler, iyordan deryasining gherbiy qirghiqining nablus shehirige qarashliq burqa rayoni etrapida yehudiy köchmenlerning hujumlirigha naraziliq bildürüsh we israiliye armiyesining rayonning kirish éghizigha ornatqan tosuqlarni bikar qilishi üchün namayish ötküzdi.
israiliye eskerlirining yash aqquzush bombisi arqiliq qilghan mudaxilisige, pelestinlikler tash étish arqiliq jawab qayturdi.
pelestin qizilay jemiyiti teripidin bu heqte élan qilghan yazma bayanatida bildürüshiche, israiliye eskerlirining mudaxilisi netijiside 2 si éghir bolup, jemiy 9 pelestinlik yarilanghan, köp sanda pelestinlik yash aqquzush bombisining tesirige uchrighan.
