b d t mali hökümitidin démokratiyege ötüsh basquchini tézleshtürüshini telep qildi
birleshken döletler teshkilati bash katipi antonyo gutérésh malida 2021 – yili mayda herbiy – siyasiy özgirish qozghap hakimiyet béshigha chiqqan herbiy hökümettin démokratiyege ötüsh basquchini tézleshtürüshini telep qildi.
türkiye awazi radiyosi xewiri: gutérésh, malida herbiy hakimiyetning féwralda ötküzülüshi pilanlanghan saylamlarni kéchiktürüshining qattiq endishe menbesi boluwatqanliqini eskertish bilen bir waqitta, mali hökümitining saylam toghruluq muwapiq waqit toxtitishining zörürlükini, saylmlarning kéchiktürülüshi toghruluq mali hökümiti bilen eng qisqa waqit ichide alaqe ornitishni ümid qilidighanliqini tekitlep mundaq dédi: «mali hökümitining uzundin buyan dawamlishiwatqan démokratiyege ötüsh basquchini tézleshtürüshi üchün muwapiq hem qobul qilishqa bolidighan waqit toxtitishigha zémin hazirlinishi üchün, gherbiy afriqa döletliri iqtisadiy ortaq gewdisi we afriqa elliri ittipaqi bilen hemkarlishiwatimen. gherbiy afriqa döletliri iqtisadiy ortaq gewdisi dairiliri, mali hökümiti qobul qilishqa bolidighan saylam waqti békitken we bu heqte qedem tashlighan teqdirde, émbargolarning tedrijiy halda bikar qilish éhtimalliqlirining barliqini bildürdi.»