shimaliy koréye bomba sinaq qilghanliqini jezmleshtürdi

türkiye awazi radiyosi xewiri: shimaliy koréye merkizi axbarat agéntliqi — KCNA, tünügün etigende ishqa ashurulghan derijidin tashqiri téz süretlik bashqurulidighan bomba siniqining muweppeqiyetlik bolghanliqini xewer qildi.

1000 kilomitir yiraqliqtiki déngizdiki nishanlargha utuqluq zerbe bérish iqtidarigha  ige derijidin tashqiri bashqurulidighan bomba siniqini shimaliy koréye rehbiri kim jongunmu neq meydanda nazaret qildi.

bu sinaqning tereqqiy qildurulghan awazdinmu téz süretlik qoral sistémisining téxnikiliq tepsilatlirini axirqi qétim delilleshni meqset qilghanliqi bildürüldi.

yene bir tereptin, yaponiye kyodo agéntliqi, KCNA ning 2020-yili marttin buyan tunji qétim shimaliy koréye rehbirining bir bashqurulidighan bomba siniqini biwasite qatniship küzetkenlikini xewer qilghanliqini bildürdi.

yaponiye bilen koréye 11-yanwar shimaliy koréyening «ballistik bolush éhtimalliqi yuqiri bolghan bir bashqurulidighan bombini sinaq qilghanliqi»ni élan qilghan؛ her ikki dölet mezkur bashqurulidighan bombining hawada awazdin 10 hesse téz heriket qiliwatqanliqining delillengenlikini uqturghanidi.

shimaliy koréye 5-yanwar «awazdin téz uchidighan bashqurulidighan bombisini muweppeqiyetlik sinaq qilghanliqi»nigériye jakarlighanidi.